We spotted these gorgeous illustrations of Cardiff a few months back and decided to investigate who was behind them and their accompanying poetry: meet Efa Lois and Morgan Owen! 

Gwelsom ni’r darluniadau hyfryd hyn hyn o Gaerdydd rhai misoedd yn ôl a phenderfynu ymchwilio i bwy oedd wedi’u creu yn ogystal â’r barddoniaeth sy’n cydfynd â hwy. Dyma gyflwyno Efa Lois a Morgan Owen!

Rhithganfyddiad is a collaborative project between Morgan Owen, a young poet and MA student at Cardiff University, and Efa Lois, an illustrator and Architectural Assistant currently based in Cardiff. They told us:

“We started Rhithganfyddiad because we wanted to document the city as it currently is. Cities are constantly evolving, especially Cardiff, and we hoped to capture what the city is currently like, whilst reflecting on its past.

The end result is a poem and an illustration – a chronicle of each place.”

Mae Rhithganfyddiad yn brosiect ar y cyd rhwng Morgan Owen, bardd ifanc a myfyriwr MA ym Mhrifysgol Caerdydd, ac Efa Lois, sy’n arlunydd ac yn Gynorthwyydd Pensaernïol. Dywedodd Morgan ac Efa wrthom:

“Dechreuodd Rhithganfyddiad am ein bod am adlewyrchu’r ddinas fel y mae hi ar hyn o bryd. Mae dinasoedd yn datblygu drwy’r amser, yn enwedig Caerdydd, ac rydym am ddal naws y ddinas fel ag y mae hi, tra’n ystyried ei gorffennol.  Cynnyrch ein hymwneud â’r gwahanol ardaloedd yr ydym yn ymweld â nhw yw cerdd a darlun.”

They are gradually filling in their map of Cardiff with their gorgeous work – we can’t wait to see the full set!

Maent yn raddol yn llenwi eu map o Gaerdydd gyda’u gwaith hyfryd – ‘da ni’n methu ag aros i weld y casgliad yn ei gyfanrwydd!

Here’s a selection of their images and poetry- you can see more of their work on their website, or in store at Cant a Mil Vintage on Whitchurch Road. You can also buy prints online.

Dyma ddetholiad o’u darluniadau a’u barddoniaeth – gallwch weld mwy o’u gwaith ar eu gwefan, neu yn siop Cant a Mil Vintage ar Heol yr Eglwys Newydd. Gallwch hefyd brynu printiau arlein.

Heol y Gadeirlan | Cathedral Road

Mae’r hewl hon yn bont annisgwyl
o’r canol i’r cyrion,
un stryd sy’n rhychwantu
dinas benbwygilydd.

O unpen i’r llall mae bywyd
yn arafu a’r ddinas
yn ymbentrefoli
nes dy fod mewn byr o dro

yn bell bell o’r dwndwr
heb ymgydnabod â’r rhyngdir.

Plasnewydd

Cydgymysgwn – nid goddef
ond parchu gwead
ein cydblethiad;
ymhyfrydwn yn y cymhlethdod
cain lle gwêl
y culion ddryswch.

Treganna | CantonMewn dinas o’r iawn ryw mae’r
strydoedd yn gyfrodedd
heb arwain at unlle’n benodol.
Dryswch dymunol yw ei nod amgen,
ei chyfiawnhad a’i gogoniant.
Mae’r hewlydd oll yn rhan o’r cyfanwaith,
a phob un, eto i gyd, yn torsythu
yn ei hannibyniaeth.
Y daith ei hun yw’r unig resymeg.
Wrth hyntio’n ymwybodol o’r cymysgedd
awn i wledydd dirifedi
heb adael am eiliad ein dinas ni.

Cathays

Ni fu realiti erioed mor hurt
â tharfu ar y cyfeddach
a’r delfrydu, ac amheuthun 
yw tario yn y tir neb 
rhwng rhyddid a chyfrifoldeb.

Dychweli’n ddoethach
yn ddieithryn. Fe weli,
a thithau’n lwcus, fod bellach
sylwedd am yr hen haniaethau
a’r breuddwydion liw dydd.

Fe weli, a thithau’n eithriad,
nad ildiaist i’r sadrwydd
mae’r lle hwn yn brotest yn ei erbyn.

Heol y Fuwch Goch | Womanby St

Fin nos yn feddw nadredda
gwyntoedd ffrwythlonder a phydredd
i gyfeiliant diotwyr a gwylanod.
Yn ddeuparth bywyd ac unparth marwolaeth,  
cerdda ffantasmagoria y strydoedd
sydd bob un yn arwain at ruddin y gân
a’r golau. Annedd frwysg rhwng gwyll
a gwawr yw’r noswaith lân sy’n darfod yn yr oriau mân.

Llandaf | Llandaff

Yng ngogysgod y ddinas
mae hendref greiriog
sy’n edliw i’r concrit
ei lesgedd.

Ar ei ynys grebachlyd
mae’n mesur y llanw
di-drai sy’n difa
gwreiddiau.

Lle cedwid gynt rin
rhyw genedl a gwagle
i freuddwydio ceir heddiw
grawcwellt yn ymborth.

Eilbeth yw iaith a llên
a myfyrdodau
lle mae arian
yn llywio meddyliau.

Deled y byd i weld
tomen o garegos
pan nad yw llwydni
Llanbobman yn ddigon.

Y Sblot | Splott

Dur yw iaith absenoldeb;
dur sy’n rhydu yn y dociau dof
yw pont dwy genhedlaeth;
dur sy’n fy nghludo i gartref
na ddychwelaf iddo eto.

Dau le a unwyd gan un enw
a dynghedwyd i gyd-ddioddef –
dau le sy’n gorwedd
dan lwch hen luniau
sy’n stwyrian wedi sôn am Ddowlais.

Dowlais yw enw colled
yn y blaendir a’r ddinas
fel ei gilydd lle mae’r dur
yn rhydu o hyd.

Mynydd Bychan | The Heath

Nid angof fydd y fan hon
sydd rhwng dau le o hyd –
tramwyfa aml daith,
ond cyrchfan anfynych.

Pan fo’r cyrion yn crwydro a’r ddinas
yn glastwreiddio’i chalon,
rhinwedd yw rhyngedd
y lle sy’n aros yn yr unfan.

Illustrations/Darluniadau: Efa Loi, poetry/barddoniaeth: Morgan Owen

***

Leave a Reply

Your email address will not be published. Required fields are marked *